Facebook ka shtuar mundësinë për fotografi 360 shkallë në iOS dhe Android.
Duke filluar nga sot, përdoruesit mund të bëjnë fotografi VR me celularët e tyre përmes aplikacionit të Facebook dhe madje t’i përdorin ato si fotografi ‘cover’ në profilet e tyre.
Ky është përditësimi i parë që Facebook e ka bërë në fotografitë e ‘coverit’, prej kur ishin lansuar më 2011, transmeton Gazeta Express.
“Vendosuni në qendër të eksperiencës dhe përdorni “360 Photo” në aplikacionin Facebook për të kapur një panoramë të plotë në 360 shkallë”, tha kompania.
Për ta bërë një foto të tillë, përdoruesit e Facebook thjeshtë duhet të hapin aplikacionin në celular dhe të zgjedhin opsionin “360 Photo” në menynë brenda kutisë së statusit.
