Alexander Hleb, ish sulmuesi i Arsenalit, shpreson që Alexis Sanchez të vazhdojë me klubin londinez
Arsenali është në telashe me Alexis Sanchezin, të cilit i skadon kontrata në fund të sezonit.
Ylli kilian kërkohet nga PSG dhe Manchester Cityt, të cilat mund ta transferojnë lojtarin gjatë verës së ardhshme pa asnjë cent.
Por, ish sulmuesi i Arsenalit, Alexander Hleb shpreson që ish ylli i Barcelonës të vazhdojë me klubin londinez.
“Unë mendoj se ai do të presë deri në dimër, të shohë se si ekipi është duke luajtur dhe ndoshta do të nënshkruaj kontratën e re”, ka deklaruar Hleb.
“Pse të mos qëndroni në Arsenal? Është një klub i madh me traditë të madhe, tifozë të shkëlqyeshëm dhe Arsene Wengerin si menaxher. Ata mund të arrijnë gjëra të mëdha”, ka theksuar bjellorusi. /Express/
