PES 2018 do të arrijë më 14 shtator – disa ditë para FIFA 18, ka njoftuar prodhuesi KONAMI.
Loja e re elektronike premton “përmirësime të mëdha”, në tentim për t’i larguar klientët nga rivali EA SPORTS.
PES 2018 do të ketë më shumë veçori se çdo PES tjetër në dekadën e fundit, ka konfirmuar KONAMI.
Sistemi i kontrollit do të rikrijohet për t’i shtuar më shumë rrjedhshmëri lojës, përderisa një ndërveprim i ri i përdoruesit e bën navigimin nëpër meny shumë më të lehtë, transmeton Gazeta Express.
Ndeshjet do të jenë shumë më reale, përderisa një strategji e re dribluese ofron kontroll më të madh në lojtarë.
Kualiteti i lojës do të jetë aq i lartë sa që ndeshjet ditën dhe natën do të duken sikur janë reale – me animacione që i afrohen shumë realitetit.
