Crsitiano dëshiron të largohet nga Real Madridi. Ky vendim i portugezit ka ardhur pasi vet Perez ka nisur gjithçka. Në finale të Cardiff, pasi Roni kishte shënuar 2 gola ku Reali fitoi titullin, i kishte premtuar kontratë të re për shkak të sezonit fantastik që kishte duke ndihmuar Realin drejt triumfeve.
Pesë herë fituesi i Topit të Artë, Cristiano Ronaldo, është i zhgënjyer me mos realizmin e premtimit nga ana e Florentino Perez për rinovimin e kontratës dhe ka vendosur të largohet nga Madridi.
Qëllimi i portugezit tani është rikthimi në Man United, aty ku luajti nga viti 2003 deri në atë 2009, para se transferohej në “Santiago Bernabeu”, raporton AS, transmeton Gazeta Express.
Vendimi i portugezit është i pakthyeshëm dhe tashmë ia ka kumtuar lajmin edhe disa shokëve të skuadrës.
Një burim i AS pran lojtarit, ka thënë se Cristiano “është i zhgënjyer sepse ndihet i tradhtuar”.
Pas dy golave në finale të Ligës së Kampionëve kundër Juventusit, Florentino i kishte premtuar portugezit kontratë të re dhe kjo është arsyeja pse 32 vjeçari këmbëngulë për rinovimin dhe përmirësimin e kushteve ekonomike.
Sido që të jetë, rinovimi ende nuk ka ardhur pavarësisht se lojtari ka bërë thirrje në mënyra të ndryshme.
“Dua të vazhdoj karrierën në Madrid nëse është e mundur”, tha Roni pasi fitoi Topin e pestë të Artë.
“Nëse është e mundur, dua të pensionohem në Madrid. Por, nuk varet nga unë, nuk jam bosi i klubit”, shtoi ai.
Mbappe, Neymar dhe Messi – janë tre lojtarët më të paguar në botë aktualisht dhe Cristiano ndihet i nënvlerësuar për këtë.
Ronaldo është i pesti me 21 milionë euro në sezon, Messi i pari me mbi 50 milionë, ndërsa Neymar dhe Mbappe fitojnë te PSG-ja mbi 35 milionë euro në sezon. /Gazeta Express/
