Qendërmbrojtësi italian, Giorgio Chiellini mund të ndjekë pas Gianluigi Buffon dhe mund t’i thotë lamtumirën Kombëtares italiane.
Chiellini gjatë një intervistë për Corriere Della Sera, ka folur për eliminimin e Italisë dhe mundësisë së pensionimit nga Kombëtarja foli edhe për eliminimin e Italisë nga Botërori i Rusisë.
“Ende nuk po e kuptojmë atë çfarë ndodhi, ndoshta do ta kuptojmë në qershor”, tha Chiellini.
“Duhet që kjo situatë të kthehet në një pikënisje të rilindjes. Duhen reforma e sidomos unitet. Mendova të largohesha nga Kombëtarja pas Botërorit të Rusisë, përshëndeta të gjithë shokët e mi të skuadrës në “San Siro”, por për të ardhmen time duhet të bëj vlerësimet me më pak emocione e me gjakftohtësi”, tha Chiellini. /Express/
