Barcelona është afër transferimit të mbrojtësit të Benficas, Nelson Semedo
Trajneri i ri i Barcelonës, Ernesto Valverde është afër që ta realizoj transferimin e parë pas arritjes në Camp Nou.
Sipas gazetës së përditshme sportive portugeze, A Bola, Barcelona është afër transferimit të mbrojtësit të Benficas, Nelson Semedo, përcjell Express.
A Bola shkruan se Barcelona pritet të shpenzoj afro 50 milionë euro për reprezentuesin e Portugalisë.
Semedo ka një kontratë me Benfican deri në 2021, derisa kartoni i 23 vjeçarit nga klubi portugez vlerësohet 80 milionë euro.
Semedo është transferuar në Benfica në vitin 2012 nga skuadra e vogël portugeze, Sintrense. /Express/
