Kosova dhe Kroacia do të takohen sonte në Shkodër në ‘Loro Boriçi’.
Krerët e Federatës së Futbollit të Kosovës kanë shtruar një darkë në nderë të homologëve kroatë, që u takuan një natë para takimit për kualifikueset e botërorit.
Me këtë rast, Vokrri në shenjë mirënjohje dhe kontributi që ka dhënë për sportin kosovar, i ka dhënë një shpërblim kreut të Federatës së Futbollit të Kroacisë, Davor Suker.
Këtë e ka bërë të ditur njëri prej zyrtarëve të lartë të FFK’së, Bekim Haxhiu, ku ka publikuar në rrjetet sociale edhe disa fotografi teksa shihen anëtarët e të dyja federatave.
“Darkë e veçantë në mikpritje të kombëtares kroate, bashkë dy legjendat e futbollit Davor Shuker e Fadil Vokrri, zyrtarët të UEFA-s si dhe përfaqësuese të futbollit dhe diplomacisë së dy shteteve tona mike”, ka shkruar Bekim Haxhiu në Facebook.
