Gjykata Supreme e Venezuelës është sulmuar me granata që janë hedhur nga një helikopter. Presidenti i vendit, Nicolas Maduro, e ka quajtur terrorist këtë sulm.
Pamje të publikuara në mediat sociale shfaqin një helikopter të policisë duke u vërtitur mbi qytet para se të shtëna dhe një zhurmë e madhe të dëgjohen, transmeton Express.
Oficeri i policisë, i cili thuhet se e ka drejtuar helikopterin e vjedhur, e ka publikuar një komunikatë ku e denoncon “qeverinë kriminale”.
Nuk dihet vendndodhja e tij.
Ky sulm vjen pas protestave masive kundër krizës politike dhe ekonomike.
Gjykata Supreme rregullisht kritikohet nga opozita venezuelase për sundimin e saj që ia forcon pushtetin presidentit Maduro./Express/
