Edhe sot e nesër do të vazhdojë regjistrimi i deputetëve të Kuvendit të Kosovës. Në ditën e parë, dje, janë regjistruar 46 deputetë të legjislaturës së re të Kuvendit të Kosovës.
Seanca konstituive e Kuvendit të Kosovës është caktuar të mbahet më 3 gusht.
Mbetet ende e padeklaruar se kush do të jetë kandidati për kryetar të Kuvendit. Ky post në bazë të kushtetutës i takon partisë ose koalicionit me numër më të madh deputetësh, të dalë nga vota e qytetarëve, që kësaj radhe i ka takuar Koalicionit PAN.
Partitë opozitare thonë se nuk do t’ia japin votën Kadri Veselit, kandidatit të përfolur për këtë pozitë. Ai këtë funksion e ka ushtruar edhe në legjislaturën e shkuar.
