Qeveria Shqiptare një vëmendje të veçantë i ka kushtuar trashëgimisë kulturore e mbrojtjes së saj.
Puna e bërë në këtë drejtim është raportuar në sesionin e 41 të të Komitetit të Trashëgimisë Botërore të UNESCO-s qw po zhvillohet në Krakov të Polonisë.
Delegacioni shqiptar ka folur mbi gjendjen aktuale në qendrat Historike Berat dhe Gjirokastër, ndërhyrjet e bëra në një sërë objektesh, ndërsa bëri me dije dhe ngritjen e disa operacione financiare me vlerë të lartë siç është projekti i restaurimit të Qafës së Pazarit .
Nga ana e tij Komiteti i Trashëgimisë Botërore të UNESCO-s, ka miratuar progres raportin e Shqipërisë për Beratin dhe Gjirokastrën pa asnjë vërejtje.
Sesioni 41-t vendosi theksin edhe te mjedisi, ku UNESCO po jep një asistencë të vyer me implementimin e projektit për forcimin e menaxhimit të përbashkët të Liqenit të Ohrit, në përfundim të të cilit pritet që pjesa shqiptare të regjistrohet në Listën e Trashëgimisë Botërore, duke iu bashkuar pjesës maqedonase.
Delegacioni shqiptar kryesohet nga Ambasadorja pranë UNESCO-s, Venera Domi./OraNews.tv/
