Trezeguet beson se Dybala mund të bëhet një ditë më i miri në botë.
Ish sulmuesi i Juventusit, David Trezeguet, beson se Paulo Dybala ka gjithçka që i duhet që një ditë të zë vendin e Lionel Messit në botën e futbollit.
“Messi-Dybala? Të gjithë e njohim Messin, ai gjithashtu ishte vendimtar në fitoren e Barcelonës ndaj Espanyolit”, tha fillimisht Trezeguet.
“Dybala është e tashmja dhe gjithashtu e ardhmja. Ai po luan shumë mirë, po shënon gola dhe e shoh të përgatitur shumë mirë”.
“Ai do të shkëlqejë në “Camp Nou”. Me siguri nuk po i pritet që të zbresë në fushë, në një stadium madhështor siç është “Camp Nou”. Përballja sërish me Messin e motivon atë”.
“Është e qartë se Messi ka më shumë eksperiencë dhe është në një tjetër pikë të karrierës, por Dybala po rritet dhe ndoshta Messi është duke e motivuar atë që të përmirësohet”, theksoi ish sulmuesi i Juventusit. /Gazeta Express/
