Tifozët e Interit thuhet se kanë planifikuar një protestë kundër lojtarëve dhe menaxhmentit në ndeshjen kundër Sassuolos këtë vikend.
Trajneri i shkarkuar, Stefano Piolo pritet t’i shpëtojë kritikave derisa 40.000 tifozë mendohet se do të jenë në ‘San Siro’ para fillimit të ndeshjes që zhvillohet të dielën, transmeton portali arbresh.info.
‘Gazzetta dello Sport’ raporton se grupi i tifozëve ‘Curva Nord’ është i pakënaqur me udhëheqjen e klubit dhe besojnë që ekziston një problem tjetër përbrenda klubit që shkaktoi rezultate të tmerrshme që çuan edhe deri në shkarkimin e Piolit.
Skuadra e tij ka marrë vetëm dy pikë nga shtatë ndeshje në Serie A, rekordi më i keq i ndonjë skuadre në divizion gjatë kësaj periudhe./arbresh.info
