Real Madridi është buzë blerjes së një adoleshenti tjetër brazilian me të ardhme të ndritur.
Sipas presidentit të klubit Gremio Novorizontino, Genilson da Rocha Santos, talenti i ri Rodrigo Rodrigues ndodhet në Madrid për teste mjekësore, transmeton Express.
Mesfushori atakues, vetëm 17 vjeç, ende nuk ka zënë vend në ekipin e parë të Gremios, por fitoi vëmendje vitin e kaluar kur debutoi ndaj Santosit.
“Rodrigo është në Madrid duke i kryer testet mjekësore, dhe nëse nuk ndodh diçka e papritur, ai do të nënshkruajë për gjashtë vjet me Real Madridin”, ka thënë Rocha Santos. /Express/
