Atë që nuk e bënë sot Urata Rama dhe Qëndrim Guri, do të tentojë ta bëjë nesër Majlinda Kelmendi.
Xhudistja më e mirë në botë, Majlinda Kelmendi, do të kërkojë medaljen e parë olimpike për Kosovën, duke garuar në xhudo në kategorinë deri në 52 kilogramë. Garat e xhudos, janë paraparë të nisin nga ora 15:00 sipas kohës tonë lokale.
Majlinda Kemendi, luftën e parë pritet ta ketë rreth orës 16:30, ku do të takohet me fituesen e sfidës mes Gneto dhe Tschopp.
Kujtojmë se Majlinda Kelmendi, është shpresa më e madhe e Kosovës për të shkruar historinë, duke fituar medalje në debutimin e parë në Lojërat Olimpike, pas pranimit në Komitetin Olimpik Ndërkombëtar vitin e kaluar.
Përveç Majlindës, edhe Nora Gjakova mund t’i sigurojë medalje Kosovës, problemi i vetëm qëndron se ajo vuan nga një shqetësim i vogël në miniskusin e saj.
