Komiteti Olimpik Ndërkombëtar (IOC) ka bërë të ditur se 45 sportistë të tjerë kanë rezultuar pozitiv ndaj substancave të palejuara pas ritestimit të analizave të ruajtura nga pjesëmarrja e tyre në Olimpiadat e Londrës dhe Pekinit.
IOC njoftoi se ishin 30 atletët që rezultonin pozitiv nga pjesëmarrja në Pekin 2008, ndërsa 13 nga ajo në Londër 2012, duke çuar në 98 numrin e përgjithshëm të atletëve të “njollosur” nga rianalizimi i testeve të tyre, përcjell “Panorama Sport”.
Sipas të dhënave zyrtare, 23 nga 30 sportistët e Lojërave Olimpike në Pekin 2008 ishin fitues medaljesh, ndërsa ata të Londrës përfshinin atletë nga dy sporte dhe 9 shtete të ndryshme.
Lajmërimi i IOC vjen një ditë pasi CAS i Lozanës vendosi të mbante në fuqi vendimin e Federatës Ndërkombëtare të Atletikës për të mos lejuar sportistët rusë që të merrnin pjesë në Rio 2016 për shkelje të vazhdueshme me dopingun.
