Sekretari i përgjithshëm i NATO-s, Jens Stoltenberg ka akuzuar Rusinë se po tenton të pengojë anëtarësimin e Maqedonisë në Aleancën e NATO-s.
“Rusia po tenton që të pengojë bashkëngjitjen e Maqedonisë në NATO, siç është rasti edhe me Malin e Zi, ku pamë edhe një tentim të pasuksesshëm për kthim”, deklaroi sekretari i përgjithshëm i NATO-s, Stoltenberg gjatë fjalimit në fondacionin “Heritage” në Uashington, përcjellë INA.
Sipas tij, ka shumë raste për tentimet e Rusisë për tu përzier në proceset politike të vendeve të NATO-s dhe vendeve partnere.
Stoltenberg gjatë ditëve të fundit ishte në Maqedoni në mbështetje të procesit të referendumit, ku i bëri thirrje qytetarëve që të dalin masovikisht dhe të japin votën për anëtarësimin e vendit në NATO dhe BE. Ai tha se kjo është mundësi historike për Maqedoninë, duke shtuar se në këtë mënyrë do të forcohet edhe siguria dhe paqja në rajon.
