Sipas vlerësimeve më të reja, numri i veturave që janë vërshuar në Teksas, pasi që ky vend u godit nga uragani Harvey, është rritur në pothuajse një milion.
Dëme totale kanë pësuar shumë vetura të shtrenjta, të cilat pronarët e tyre nuk arritën t’i largojnë para stuhisë, transmeton KosovaPress.
Pas vlerësimeve të para nën ujë kanë mbetur rreth gjysmë milion automobila dhe nga SHBA-ja vijnë lajme se ky numër është dyfishuar.
Xhirime të shumta që kemi parë ditëve të fundit, tregojnë për dëme të mëdha dhe automobila të vërshuar në rrugë, parkingje, garazhe private dhe oborre.
Në mesin e veturave që janë vërshuar janë edhe modelet Ferrari, Mercedes AMG G63, Mercedes CLA etj.
