Një ditë më parë ka ndërruar jetë muzikanti i njohur amerikan Tom Petty.
Petty ka vdekur në Kaliforni, në moshën 66 vjeçare, transmeton Gazeta Express.
Përveç familjarëve, miqve e shumë fansave, pas vdekjes së tij kanë shkruar edhe shumë yje të njohura.
Një ndër to është edhe këngëtarja shqiptare me famë botërore Rita Ora. Ajo në llogarinë e saj në Instagram ka postuar një fotografi të Petty-t.
“Duke u lutur për Tom Pettyn”, kishte shkruar Rita.
66-vjeçari ishte gjetur pavetëdije në shtëpinë e tij në Kaliforni, pasi kishte pësuar një sulm kardiak. Ai ishte dërguar në spital, megjithatë nuk arriti të mbijetonte.
Petty ishte këngëtari i rok grupit The Heartbreakers, ndërsa njihet për hitet si American Girl, Breakdoën, Free Fallin’, Learning to Fly./Gazeta Express/
