Claudio Ranieri është i sigurt se Riyad Mahrez do të mbetet në Leicester City.
Menaxheri i Leicester Cityt, Claudio Ranieri është i sigurt se Riyad Mahrez do të mbetet tek kampioni i Premierligës.
Reprezentuesi algjerian spekulohet me largim nga klubi pas paraqitjeve të shkëlqyeshme në edicionin e kaluar.
Mahrez, së bashku me dyshen Jamie Vardy e N’Golo Kante ishin më meritorët në rrugëtimin e Leicesterit drejt titullit të kampionit në Premierligë.
Por, Ranieri beson se Mahrez do të mbetet në Leicester. “Jam shumë i sigurt për të”, deklaroi Ranieri për “Leicester Mercury”, përcjell “Lajmi.net”.
“Ai do të mbetet me ne. Ai dëshiron të mbetet me ne, ai është i lumtur në klub. Riyad nuk është person i cili vjen tek trajneri dhe kërkon të largohet. Ai është i lumtur këtu”, u shpreh ai.
