Blaise Matuidi është afër largimit nga Paris Saint Germain.
Juventus është duke kërkuar në treg një mesfushor dhe Blaise Matuidi është caku kryesor i italianëve.
Sipas “Premium Sport”, agjenti i lojtarit, Mino Raiola, është duke biseduar me “Zonjën e Vjetër” dhe i ka dhënë sinjale pozitive në arritjen e një marrëveshje sa më parë.
Raiola i ka komunikuar Juventusit se Paris Saint-Germaini janë duke menduar të ulin kërkesën për Matuidi dhe besohet se një ofertë prej 20 milionë eurove plus bonuse, do të ishte më se e mjaftueshme që PSG ta lë të lirë lojtarin.
Klubi francez transferoi Neymarin për një shumë rekord, 222 milionë euro dhe për këtë duhet të shesë lojtarë, për të respektuar rregullat e “Fair Play” financiar. /Gazeta Express/
