Trashëgimtari i fronit saudit, po shtrin kontrollin e tij në pushtet me një spastrim “anti-korrupsion”, duke arrestuar dhjetëra personazhe të rëndësishme tradicionalise në një përpjekje për të modernizuar mbretërinë.
Princi i kurorës, Mohammed bin Salman mezi njihej jashtë Arabisë Saudite para se babai i tij të bëhej mbret i eksportimit kryesor të naftës në vitin 2015.
Por duke u renditur si udhëheqës i ardhshëm, 32 vjeçari ka bërë ndryshime monumentale si pjesë e një përpjekjeje për të promovuar “islamin e moderuar dhe tolerant” në vendin fetar, transmeton Indeksonline.
Në fillim të ditës së sotme një komitet anti-korrupsion i sapoformuar arrestoi 49 vetë, duke përfshirë 11 princa, katër ministra dhe dhjetëra ish ministra.
Ndër të burgosurit në hotelet me pesë yje në kryeqytetin Riyad, është princi miliarder Al-Ëaleed bin Talal- i cili është një nga njerëzit më të pasur në botë dhe zotëron hotel në kryeqytetin e Britanisë së Madhe.
Arrestimet kryesisht përfshijnë figurat tradicionaliste të cilët janë besnik ndaj degës ultra-konservatore të islamit sunit.
Mbajtja e tyre do të ndihmojë princin me planet e tij për të kthyer Arabinë Saudite në një islam të moderuar dhe “të zhdukë ekstremizmin shumë shpejt”, planet që ai i përshkroi në media në fund të muajit të kaluar.
Ai është shumë popullor me sauditët e rinj, të cilët përbëjnë 70 për qind të popullatës dhe thotë se dëshiron të promovojë një “jetë në cilën feja islame përkthehet në tolerancë”./Indeksonline/
