Përforcimi më i ri i Bayern Munchen do të dëshmojë se është shumë i qëlluar, ka thënë ish-sulmuesi francez Jean-Pierre Papin.
Tolisso ka nënshkruar marrëveshje pesëvjeçare me kampionin e Bundesligës të mërkurën për 41.5 milionë euro.
Papin ka shpresa të mëdha për Tolisso dhe mbështet 22-vjeçarin në paraqitjet e tij në Allianz Arena, duke e krahasuar me sulmuesit e tjerë.
“Tolisso ngjason me Kroos përmes stilit të lojës”, ka thënë Papin, i cili ka luajtur për Bayern nga 1994 deri 1996, shkruan “Bild”.
Sipas tij është e rëndësishme për të kuptuar filozofinë e Bayern dhe të mësojë gjuhën gjermane.
“Është e mrekullueshme të dëgjosh se si Franck Ribery flet gjermanisht”, ka thënë ish-sulmuesi i njohur francez.
Tolisso ka luajtur 160 ndeshje për Lyon, duke shënuar 29 gola. Ai ka debutuar për Francën në ndeshjen kundër Spanjës në muajin mars./KosovaPress/
