Kur ishte hera e fundit që keni përdorur një celular Nokia? Hmm… sigurisht ka kaluar një kohë e gjatë!
Por për ata që kanë qenë duke menduar se “ku ka mbetur Nokia”, ne kemi disa lajme të mira. Sipas raporteve të fundit, Nokia është duke u rikthyer në tregun e celularëve të mençur.
Microsoft bëri të ditur kohët e fundit se ia ka dhënë biznesin e vjetër të celularëve të Nokias Foxconn-it dhe një kompanie finlandeze të quajtur HMD Global Oy, transmeton Gazeta Express.
Është bërë e ditur se HMD është duke kërkuar të drejtat për të përdorur emrin e Nokias në celularë dhe tabletë për dhjetë vitet e ardhshme.
HMD ka në plan që të investojë 500 milionë dollarë gjatë tri viteve të ardhshme për të zhvilluar dhe reklamuar produktet e reja. Se si do të dukej një celularë Android nga Nokia, mund ta shihni një koncept më poshtë:
