Një autobus i linjës Prishtinë – Ferizaj gjatë pasdites së sotme ka devijuar rrugën duke u futur kështu në një pompë të benzinës.
Një person ka vdekur, dy të tjerë janë lënduar në një aksident në magjistralen Prishtinë- Ferizaj.
Në aksident janë të përfshirë një autobus dhe tri vetura.
Lajmin për KALLXO.com e ka konfirmuar majori i komunikacionit rrugor në Prishtinë, Milaim Fejzullahu.
“Po para 20 minutave më saktësisht rreth orës 14:40 një aksident ka ndodhur në magjistralen Prishtinë- Ferizaj. Të përfshirë në aksident janë një autobus dhe tri vetura. Policia ka dalë në vendin e ngjarjes”, tha Fejzullahu për KALLXO.com.
Sipas majorit Fejzullahu këto janë raportet e para që nga dalja e policisë në vendin e ngjarjes.
