Deri në minutat e fundit të takimit mes Manchester City dhe Middlesbrough, dukej se City e kishte fitoren në “xhep”, por mysafirët nuk u dorëzuan dhe arritën që të marrin një pikë shumë të vlefshme, duke bërë që takimi të përfundoi 1 – 1.
City kaloi i pari në epërsi me golin e shënuar nga Aguero, por festën e “qytetarëve” e prishi De Roon, në minutat shtesë (90+1), duke bërë që të nxjerrin një pikë shumë të vlefshme ndaj një kundërshtari siç është Manchester City, transmeton KosovaPress.
Barazim ka nxjerrë edhe Stoke City i Xherdan Shaqirit, kudnër West Ham.
Këto janë rezultatet në katër takimet e zhvilluara sot në Premier League:
Manchester City 1-1 Middlesbrough
Bournemouth 1-2 Sunderland
Burnley 1-1 Crystal Palace
West Ham 1-1 Stoke City
Në renditjen tabelare, Manchester City është në pozitën e parë me 24 pikë, i ndjekur nga Arsenal dhe Liverpool me nga 23 pikë dhe një takim më pak të zhvilluar. Pas barazimit, Stoke City ka përmirësuar pozitën, duke u renditur në pozitën e 11-të./KosovaPress/
