Lorenzo Insigne me shumë mundësi do të largohet nga Napoli në përfundim të stinorit.
Reprezentuesi italian ka prishur marrëdhëniet me klubin, pas mosmarrëveshjeve për vazhdimin e kontratës dhe largimi i tij nga Serie A tani është një mundësi reale.
Fillimisht për lojtarin ka shprehur interesim Liverpooli i Jurgen Klopp ku agjenti i lojtarit është takuar me zyrtarët e klubit anglez, transmeton KosovaPress.
Përveç The Reds, tani në garë është futur edhe Valencia e cila drejtohet nga Cesare Prandelli.
Është pikërisht trajneri italian ai që ka kërkuar transferimin e lojtarit në Mestalla dhe gjatë muajit janar pritet t’i bëjë një ofertë Napolit për të liruar 25-vjeçarin.
Insigne është pjesë e Napolit që nga viti 2011, ku është transferuar nga Pescara.
