Një version i rrejshëm i aplikacionit të ardhshëm ‘WhatsApp Business’ është i gatshëm për t’u shkarkuar në Play Store.
Aplikacioni, i cili është krijuar nga një kompani që po e quan veten “Whasp. Business Inc.”, ka befasisht vlerësim të lartë, pavarësisht se përdoruesit po e përshkruajnë atë si “aplikacion i rrejshëm”.
Një përdorues është ankuar gjithashtu se nuk ka mundur të hyjë në të, me të tjerët që thonë se aplikacioni është i mbushur me reklama, transmeton Gazeta Express.
Aplikacioni u vu në pah nga përdoruesi i Twitterit @MujtabaMHaq dhe WABetaInfo, dhe shumë përdorues thonë se tashmë e kanë raportuar atë në Google.
Përderisa ka shumë versione të rrejshme të WhatsApp në Google Play, ky aplikacion po shkakton më së shumti telashe, kjo pasi versioni i ri është ende nën testim.
Aplikacioni i vërtetë WhatsApp Business, që pritet të lansohet në të ardhmen e afërt, është i projektuar që ta bëjë më të lehtë komunikimin për bizneset.
Njerëzit do të jenë në gjendje të porosisin përmes WhatsApp dhe madje të marrin të reja nga kompanitë.
