Islanda ka eliminuar Anglinë dhe është kualifikuar në çerekfinale të Euro 2016.
Islanda ka bërë befasinë më të madhe në Euro 2016, duke eliminuar Kombëtaren e Anglisë, të cilën e mposhti me rezultat 2:1.
Islandezët edhe një herë tjetër e vërtetuan se ata janë befasia më e madhe e këtij kampionati, duke arritur çerekfinalen e Euro 2016, që në debutimin e tyre.
Anglia kaloi e para në epërsi që në minutën e katërt me golin e Rooneyt nga pika e bardhë, por islandezët arritën që brenda 14’të minutash të përmbysin rezultatin me golat e Sigurdsson dhe Sigthorsson.
Islanda në çerekfinale do të luaj kundër Francës, ndërsa Anglia Eliminohet. /Express/
