Luftëtarët e Shtetit Islamik (ISIS) kanë fituar territor përreth Tora Boras, ish-bastionit të Osama bin Ladenint në provincën lindore të Afganistanit, Nangarhar, njoftojnë zyrtarët.
Pushtimi dhe marrja nën kontroll e kompleksit gjigant të shpellave që dikur e strehonin shefin e ndjerë të al-Qaidas, do të ishte një fitore e madhe për grupin e Shtetit Islamik në rivalitetit e tij tejet vdekjeprurës kundër talibanëve të Afganistanit. Deri më tani shpellat janë nën kontroll të talibanëve, transmeton Express.
Attahullah Khogyani, zëdhënës i provincës Nangarhar, ka thënë se sulmet e ISIS në bjeshkë filluan të martën në mbrëmje. Përleshjet vazhduan edhe gjatë ditës së mërkurë, me militantët e ISIS-in që luftonin kundër talibanëve dhe disa fshatarëve vendorë në këtë zonë.
Deri kah pasditja e së mërkurës, ISIS ia ka dalë që të pushtojë një pjesë të territorit përreth Tora Bora – por jo edhe vetë strofullin e Bin Ladenit, ka thënë Khogyani, duke shtuar se të dy palët kanë humbur një numër të paspecifikuar luftëtarësh.
As ISIS e as talibanët nuk kanë komentuar deri më tani rreth kësaj çështjeje./Express/
