Inter e dëshiron mbrojtësin e Atletico Madridit, Jose Maria Gimenez
Nga 1 korriku Inter do të jetë skuadër e lirë për të transferuar lojtarë, sepse skadon edhe dënimi i vendosur nga FIFA.
Drejtuesit e skuadrës italiane janë në kërkim të një mbrojtësi për sezonin e ri, me Jose Maria Gimenez të Atletico Madridit si objektivin kryesor.
AS shkruan se Inter tashmë ka pyetur për shërbimet e tij, por ende nuk ka marrë përgjigje definitive.
Përveç skuadrës italiane, në garë për mbrojtësin e Uruguait janë edhe dy skuadrat e mëdha angleze, Manchester United dhe Liverpool. /Express/
