Ministri i Jashtëm i Kosovës, Enver Hoxhaj gjatë vizitës së tij në Washington D.C u takua me senatorin amerikan Robert Dole dhe me Kongresistin Paul Cook.
Në takimin me senatorin amerikan Robert Dole, ambasadorin e Nderit të Kosovës, ka thënë se ishte nder takimi me të, duke shtuar se Dole është një mbështetës dhe mik i Kosovës.
“Është nder i madh ta takoj mbështetësin e madh dhe mikun e Kosovës, Senatorin Dole! Për dekada ai do të mbetet një personalitet inspirues”, ka shkruar Hoxhaj në rrjetin social Twitter.
Ndërsa, në takimin që e zhvilloi ministri Hoxhaj në Washington D.C, falënderoi kongresistin amerikan Paul Cook për përkrahjen e tij ndaj Kosovës në Kongresin Amerikan.
“Takim i jashtëzakonshëm me Kongresistin Cook. E falënderova për mbështetjen e tij ndaj Kosovës në Kongres”, ka shkruar Hoxhaj.
Kujtojmë se senatori amerikan Robert Dole ishte emëruar Ambasador Nderi i Kosovës në SHBA në vitin 2002 nga Presidenti i atëhershëm i Kosovës Ibrahim Rugova.
