Kandidati për kryeministër i koalicionit LDK-AKR-Alternativa, Avdullah Hoti ka shpalosur një pjesë të programit qeverisës, ku prioritet është zhvillimi ekonomik.
Hoti në forumin FOL Hapur të organizuar nga Lëvizja FOL, ka folur për të arriturat e deritashme të Qeverisë por nuk ka kursyer edhe kritika ndaj ish partnerit të koalicionit PDK, duke thënë se shumë procese si bashkimin e Doganës me ATK-në, pakon fiskale 2, i ka penguar partneri i koalicionit.
Ai ka thënë se suksesi i Qeverisë ka qenë arsyeja që ka rënë Qeveria.
