Një shtetas shqiptarë është arratisur mëngjesin e sotëm nga burgu Tirintha, në Argolis të Greqisë.
Mediat greke raportojnë se shqiptari 35-vjeçar, identiteti i të cilit ende nuk dihet, ia ka dalë të shmangë rojet e sigurisë duke ia mbathur nga vendi i vuajtjes së dënimit.
Mësohet se shtetasi i lartpërmendur ishte rreth 1.75 i gjatë, dhe kishte veshur pantallona blu dhe një bluzë të zezë.
Burgu i Tirinthas është një burg bujqësor, ku të burgosurit punojnë si bujq në fermat e burgut për të ulur dënimin e tyre.
Ndërkaq, policia helene është vënë menjëherë në kërkim të shqiptarit, me qëllim prangosjen e tij.
