Kapiteni i SHAKHTAR DONETSK, Darijo Srna ka dalë pozitiv në një test dopingu dhe tani do të humbasë përballjen e Ligës së Kampionëve me Manchester City.
Veterani kroat, 35 vjeç, ka zbuluar se do të luftojë për të pastruar emrin e tij duke thënë se ai nuk ka marrë me dijeni asnjë substancë të ndaluar, shkruan indeksonline.
Srna do të marrë një pushim të vetë-imponuar nga futbolli, ndërsa ai po punon me situatën, e cila përfshin përplasjen evropiane me Cityn e Pep Guardiolas të martën.
Mbrojtësi u informua nga qendra kombëtare anti-doping e Ukrainës (NADCU) që ai kishte testuar pozitivisht për një substancë të ndaluar të hënën.
Në lajme, Srna tha: “Së pari dhe më e rëndësishmja, do të doja të bëja të qartë se kurrë nuk kam marrë ndonjë substanc të ndaluar me dashje ose me qëllim, as nuk kam qellim për të fituar një avantazh konkurrues.
“Unë po hetoj burimin e mundshëm të substancës dhe jam duke bashkëpunuar plotësisht me NADCU në këtë drejtim”.
“Me qëllim që të përqendrohem në mbrojtjen time dhe të shmangim çdo shpërqendrim të panevojshëm për ekipin, kam marrë vendimin për të mos luajtur derisa të zgjidhet procesi gjyqësor i vazhdueshëm”.
“Tani do të përqendrohem tërësisht në pastrimin e emrit dhe reputacionit tim”.
