Forcat izraelite e kanë vrarë një militant të dyshuar palestinez të cilin po tentonin ta arrestonin, pasi që ai kishte shtënë ndaj tyre në Bregun e okupuar Perëndimor, njofton policia dhe ushtria izraelite.
Zëdhënësi i policisë Micky Rosenfeld ka thënë se ai dyshohej për kryerjen e dy sulmeve me armë në Bregun Perëndimor të shtunën dhe se ka hapur zjarr ndaj ushtarëve dhe policëve, të cilët e kishin gjurmuar, transmeton Express.
“Terroristi u gjet dhe u rrethua, ai e nxori armën në drejtim të tyre, dhe si kundërpërgjigje, terroristi u vra,” ka thënë Rosenfeld.
Zyrtarët palestinezë nuk kanë komentuar ende rreth rastit./Express/
