Mathieu ka bërë të ditur se ai është akuzuar për humbjen nga Juventusi.
Para ndeshjes me Barcelonën në Ligën e Kampionëve, ish lojtari i katalunasve, Jeremy Mathieu, ka rrëfyer shumë gjëra. Ai tregoi se të gjithë kishin drejtuar gishtin kah francezi për humbjen e Barcelonës nga Juventusi.
“Më fajësuan për humbjen ndaj Juventusit, por askush nuk i tha gjë Mascheranos ose Piques”, u shpreh Mathieu.
“Futbolli është sport ekipor dhe kur humbisni nuk është faji i një personi, ky është mendimi im. Kundër Juventusit të gjithë më fajësuan mua, po askush nuk tha ndonjë gjë për Maschranon e Piquen”, shtoi mes tjerash ish lojtari i Barcelonës.
Përveç tjerash, mbrojtësi francez është i zhgënjyer me mënyrën se si është trajtuar nga krerët e Barcelonës dhe ka thënë se do të festojë nëse i shënon gol katalunasve të mërkurën në Ligën e Kampionëve. /Gazeta Express/
