Një person është arrestuar nga Policia e Kosovës në Prizren, pasi që i njëjti gjatë shqiptimi të një tikete për kundërvajtje, ka fyer dhe ka sulmuar fizikisht zyrtarët policorë.
Rasti ka ndodhur mbrëmë në rrugën “Zahir Pajaziti”, njofton sot Policia e Kosovës.
Zyrtarët policorë kanë pësuar lëndime të lehta trupore dhe u është ofruar trajtim i nevojshëm mjekësor.
Me vendim të prokurorit i dyshuari është liruar në procedurë të rregullt.
