Sulmuesi i Juventusit, Gonzalo Higuain, e ka pranuar se nuk dëshiron të kthehet në Argjentinë dhe ka nënvizuar se e ka edhe një vit kontratë në Torino.
Higuain përballet me të ardhme të pasigurt në Allianz Stadium, por thotë se nuk do ta marrë asnjë vendim pa u takuar me trajnerin e ri të bardhezinjve, Andrea Pirlon, transmeton Gazeta Express.
“Jam mirë tani. Do të pushoj dhe do të mendoj. Më 24 kthehem në stërvitje dhe ende e kam edhe një vit kontratë në Itali”, tha Higuain për Fox Sports.
“Duhet të njoftohem me trajnerin e ri dhe të shoh se çfarë do të ndodhë”, shtoi ai.
I pyetur për një kthim të mundshëm në River Plate: “Nuk më mungon futbolli argjentinas, më pëlqen ta shikoj, por jo”.
