Një veturë është djegur, ndërsa dy të tjera janë dëmtuar sot, heret në mëngjes, në pjesën veriore të Mitrovicës.
Siç raporton Radio Kontakt plus, në gjuhën serbe, djegia e veturë ishte pasojë e një zjarrvënie, që konsiderohet e qëllimshme, transmeton Koha.net.
Vetura e djegur ishte pronë e pjesëtarit të Policisë së Kosovës.
Zëvendësi i komandantit rajonal të Policisë së Kosovës, Besim Hoti, i tha Radio Kontakt plus se në vetura është shkaktuar dëm i madh dhe se policia po e heton rastin.
Veturat, e djegura dhe dy të dëmtuarat ishin të parkuara afër Shtëpisë së Shëndetit në pjesën veriore të Mitrovicës.
Incidenti ka ndodhur sot, herët në mëngjes, rreth orës 4.
