Jared Kushner, dhëndri dhe këshilltari i lartë i presidentit të SHBA-së, Donald Trump, do të merret në pyetje nga një komitet amerikan, i cili po i heton dyshimet e marrëdhënieve të ekipit të Trumpit me Rusinë.
Kushner në mënyrë vullnetare ka ofruar që të flasë para Komitetit të Inteligjencës të Senatit, njofton Shtëpia e Bardhë, përcjell Express.
Ky komitet po i heton dyshimet se Rusia kishte ndërhyrë në zgjedhjet presidenciale të vitit të kaluar në SHBA.
Ndërkohë, komuniteti i inteligjencës i SHBA-së beson se sulmet kibernetike ruse gjatë zgjedhjeve presidenciale ishin kryer për ta ndihmuar Donald Trumpin që ta mposhte Hillary Clintonin.
Rusia i mohon akuzat, ndërsa Trump i quan ato lajme të rreme
