Analisti i çështjeve të Ballkanit Daniel Server në fjalën e tij për transformimin e FSK-së në ushtri thotë se ndërkombëtarët do të dëshironin që Kosova ta ketë pëlqimin e komunitetit serb për ushtrinë, por që siç tha ai, është i rëndësishëm besimi që kjo ushtri të mos përdoret kundër tyre.
Në konferencën “Forca e Sigurisë së Kosovës-Perspektiva e së Ardhmes” e organizuar nga Instituti RIDEA, analisti Daniel Serwer tha se është e rëndësishme që kur KFOR-i të largohet nga Kosova, atëherë Kosovës do t’i nevojiten kapacitetet për ta mbrojtur veten të paktën për disa javë, siç tha ai, sa të ishte e mjaftueshme që aleatët të reagojnë ndaj ndonjë rasti të mundshëm. E pastaj sipas Daniel Serwer, duhet menduar edhe për Forcën e Sigurisë suaj.
“Ndërkombëtarët do të dëshironin që ju ta keni pëlqimin e serbëve por ajo që ju duhet juve është besimi që FSK të mos përdoret kundër tyre. Pyetja se çfarë ushtri ju nevojitet varet nga kërcënimet që mund të përballeni”, tha Server. /GazetaExpress/
