Manchester City ka përmbysur disavantazhin prej një goli dhe ka mposhtur Barcelonën 3:1.
Skuadra angleze ka lënë prapa disfatën e dy javëve më parë në Camp Nou me rezultatin 0:4, duke iu revanshuar kampionëve të Spanjës në Etihad Stadium.
Ndeshja nisi më mirë për Barcelonën, e cila kaloi në epërsi me golin e Lionel Messi (21’). Megjithatë rezultatin e pjesës së parë e vendosi Ilkay Gundogan (39’), duke i dhuruar gëzimin të pranishmëve në stadium.
Në pjesën e dytë skuadra e Pep Guardiolas dominoi dhe realizoi dy gola të tjerë. Fillimisht, Kevin de Bruyne shënoi një super gol nga gjuajtja e lirë në minutën 51, derisa rezultatin përfundimtar e vendosi Gundogan (74’).
Ndeshja tjetër Grupi C në mes të Borussia Monchengladbach dhe Celtic u mbyll në barazim 1:1.
Granit Xhaka ishte protagonist në fitoren e Arsenalit ndaj Ludogorets (3:2), duke realizuar golin e parë të Topçinjve. Olivier Giroud dhe Mesut Ozil shënuan dy golat tjerë.
Ndërsa Taulant Xhaka me Baselin e tij u mposht nga Paris Saint-Germain 1:2. Reprezentuesi i kombëtares shqiptare asistoi në golin e vetëm të zviceranëve.
Fitore me përmbysje arriti edhe Bayern Munichu në udhëtim te PSV Eindhoven. Dy gola të Robert Lewandowskit e bënë të pavlefshëm shënimin e Santiago Arias.
Grupi A
Basel – PSG
Ludogorets – Arsenal 2:3
1. Arsenal 4 10
2. PSG 4 10
3. Basel 4 1
4. Ludogorets 4 1
Grupi B
Besiktas – Napoli 1:1
Benfica – Dynamo Kiev 1:0
1. Napoli 4 7
2. Benfica 4 7
3. Besiktas 4 6
4. Dynamo Kiev 4 1
Grupi C
M’gladbach – Celtic 1:1
Man. City – Barcelona 3:1
1. Barcelona 4 9
2. Man. City 4 7
3. M’Gladbach 4 4
4. Celtic 4 2
Grupi D
Atletico Madrid – Rostov 2:1
PSV – Bayern Munich 1:2
1. Atletico M. 4 12
2. Bayern M. 4 9
3. PSV 4 1
4. Rostov 4 1
