Edhe skuadra me rekordin më të mirë ndaj top ekipeve, Oklahoma City Thunder, është gjunjëzuar nga Cleveland Cavaliers dhe atë në mes të Chesapeake Energy Arena me rezultat 112-120.
Super sfida e zhvilluar në Oklahoma i takoi Cavs që ishin më të mirë gjatë gjithë takimit.
LeBron James shkëlqeu në këtë takim me 37 pikë, tetë kërcime dhe tetë asistime.
Megjithatë, ai u ndihmua shumë nga stoli ku Clarkson me 14 pikë, Hood me 14 pikë dhe Larry Nance me 13 pikë treguan pse u transferuan te nënkampioni.
George me 25 pikë dhe Anthony me 24 pikë provuan që të bëjnë diferencën, pro nuk ja dolën.
Westbrook regjistroi double double prej 21 pikë e 12 asistime dhe Steven Adams me 22 pikë e 17 kërcime.
Me këtë fitore, të katërtën rresht, Cavaliers gjithnjë e më shumë po i afrohen vendeve të para, ku Toronto momentalisht gjendet në krye me një fitore më shumë se Bostoni.
