Jemi mësuar të shohim shqiptarët duke tentuar që të fotografohen me yje të sporteve të ndryshme në botë, por tashmë erdhi koha që të shohim të tjerët duke u fotografuar me yjet tanë.
Kjo ndodhi me të artën e Kosovës, Majlinda Kelmendin. Gjatë kohës së një interviste për KTV’në në Copacabana, Majlinda Kelmendi ka kaluar minuta të tërë duke u fotografuar me brazilianët.
Shumica e tyre e dinin historinë e saj dhe e kanë uruar për suksesin e madh në Lojërat Olimpike.
Majlinda ka qenë në Copacabana në pritjen e organizuar nga Komiteti Olimpik i Kosovës, para kthimit në atdhe.
