Sulmuesi suedez është futbollist i lirë pas largimit nga Paris Saint-Germain dhe pritet të nënshkruajë kontratë njëvjeçare në “Old Trafford”, raporton “Bbc Sport”.
Kjo do të jetë aventura e tij e parë në Angli, pas titujve në katër shtete të ndryshme, përcjell “Lajmi.net”.
Edhe pse suedezi vazhdimisht ka refuzuar të konfirmojë transferimin në Manchester United, klubi i madh i Premierligës do të jetë skuadra e tij e ardhshme në karrierë gjatë së cilës ka fituar 13 tituj në 15 sezonet e fundit.
Ai ishte golashënuesi më i mirë në edicionin e kaluar në Ligue 1 në Francë me 38 gola.
Por, ai nuk shënoi në asnjë prej shtatë tentimeve me Suedinë, që u eliminua në fazën e grupeve në “Euro 2016”.