Banorët e Rahovecit kanë bllokuar sërish hyrje-daljen në Hoçë të Madhe sot nga ora 7:30.
Bllokada këtë herë është bërë kundër fushatës zgjedhore që mbahet sot në Leposaviq. Një autobus i organizuar pritej të nisej nga Hoça për në Leposaviq për të marr pjesë në fushatë, kurse banorët e kanë bllokuar sërish hyrjen. RahovecPress mëson se është ndaluar të kalojë vetëm autobusi, kurse banorët tjerë qarkullojnë lirshëm.
RahovecPress poashtu mëson se policia dhe banorët serb kanë kërkuar lirimin e rrugës për autobusin, por banorët po refuzojnë një gjë të tillë dhe protesta po vazhdon edhe në këto momente.
