Mbrojtësi gjerman, Benedikt Howedes ishte në bisedime me klubin anglez Arsenal, para se t’i bashkohet Juventusit, njoftoi agjenti i tij.
Howedes u largua nga Schalke drejtë Italisë me një marrëveshje njëvjeçare, pasi iu hoq shiriti i kapitenit nga trajneri i ri, Domenico Tedesco.
Para se të transferohej në Juventus, për te ishin të interesuar edhe Roma, Arsenali dhe Leicester City.
Agjenti i tij, Volker Struth tha për “Sport Bild”, se Arsenal dëshironte ta merrte gjermanin, në rast se mbrojtësi Shkodran Mustafi do të shkonte te Interi, transmeton KosovaPress.
