Mediat italiane raportojnë se Carlo Ancelotti ka kërkuar nga Federata e Futbollit të Italisë (FIGC) të bëjë ndryshim të thellë në kombëtare para se ai të pajtohet për ta marrë drejtimin e saj.
Sipas Gazzetta dello Sport, bisedimet jo formale mes Ancelottit dhe shefit të FIGC-s, Carlo Tavechio, tashmë kanë ndodhur, transmeton Express.
Megjithatë, gazeta italiane paralajmëron se një projekt serioz është zgjidhja e vetme për 58-vjeçarin, nëse ky i fundit e pason Giampiero Venturen, i cili u shkarkua pasi dështoi ta kualifikojë Italinë në Kupën e Botës Rusia 2018.
Për më tepër, ish trajneri i Milanit, Real Madridit dhe së fundmi Bayern Munichit momentalisht është duke jetuar në Kanada dhe ende nuk ka plane të udhëtojë për në Evropë e lërë më në Itali. /Express/
