Menaxheri i Bayern Munchen, Carlo Ancelotti reagon për herë të parë për çështjen e Robert Lewandowskit, duke drejtuar gishtin nga menaxheri i sulmuesit polak Maik Bartel.
“Lewandowski nuk më është ankuar kurrë. Janë disa menaxherë lojtarësh që shpeshherë i japin gojës shumë. Nuk është hera e parë që ato flasin gabim në media. Dhe nuk do të jetë hera e fundit. Në një botë perfekte menaxherët nuk guxojnë të flasin”, ka thënë Ancelotti.
Një tjetër temë për të cilën foli Ancelotti kishte të bënte me merkaton, më konkretisht për interesimin e mundshëm të Bayernit për Alexis Sanchez, të cilin e kërkon gjysmë e Europës.
“Nëse klubi do të ketë mundësinë për ta blerë Sanxhezin, do ta marrë. Po flitet shumë për këtë lojtar në këto momente. Mua më pëlqen, por më duhet ta saktësoj që nuk është futbollisti i vetëm në botë në mekato. Tregu i futbollistëve ofron mundësi pa fund, është bërë një merkato e çmendur, por sigurisht Bayerni nuk është çmendur akoma”, përfundoi italian./IndeksOnline/
