Ambasadori i Britanisë, Ruairí O’Connell, mezi pret që të shoh Majlinda Kelmendin duke ngritur flamurin e Kosovës në ‘Rio 2016’.
Lojërat Olimpike “Rio 2016” nisin zyrtarisht në Brazil, me ceremoninë e hapjes që do të mbahet të premten pas mesnate në “Marakana”.
Atletë nga 206 vende të botës si dhe një ekip refugjatësh kanë ardhur në Brazil për të konkurruar në 28 sporte dhe do të ndiqet nga një audiencë botërore prej miliarda shikuesish.
Këto Lojëra Olimpike do të jenë shumë të veçanta për Kosovën, që marrin pjesë me tetë sportist.
Për këtë duket se është gëzuar edhe Ambasadori i Britanisë, Ruairí O’Connell, i cili përmes rrjeteve speciale ka thënë se mezi pret që xhudistja numër një në botë, Majlinda Kelmendi, të ngritë flamurin e Kosovës në Brazil.
“Mezi pres me parë Majlindën me flamurin e Kosovës!”, ka shkruar ai në Facebook.
Lojërat Olimpike “Rio 2016” do të jenë të parat në të cilat do të marrin pjesë sportistë që kanë lindur pas vitit 2000, përfshi edhe sportisten më të re, notaren 13-vjeçare nga Nepali, Gaurika Singh. /Express/
